ओइल दर्पण 
काठमाडौ । प्रधानमन्त्री सुशीला कार्कीले आज(बुधबार) बिहान पशुपतिनाथ मन्दिर दर्शन गरी पूजा गरेकी छन् ।
प्रधानमन्त्री कार्कीले निर्वाचन शान्तिपूर्ण रुपमा सम्पन्न भएपछि आराध्यदेव पशुपतिनाथलाई धन्यवादस्वरुप रुद्राभिषेक पूजा गरेको प्रधानमन्त्रीको सचिवालयले जनाएको छ ।
मुलुकलाई शान्ति तथा स्थायित्वको मार्गमा अग्रसर गराउन सबैतर्फबाट साथ र सहयोग प्राप्त भएकोमा आफू कृतज्ञ रहेको भन्दै उनले आगामी दिनमा मुलुक थप उन्नतिको मार्गतर्फ अग्रसर होस् भनी कामना पनि गरेको सचिवालयले जारी गरेको प्रेसनोटमा जनाइएको छ ।
सचिवालयका अनुसार प्रधानमन्त्री कार्कीले मुलुकभर सबै नेपालीबीच एकता, सद्भाव र आत्मीयताको भावना बलियो बन्दै जाओस् भनी कामना पनि गरेकी थिइन् ।
